fbpx

На Јанева ѝ е подобро, но не се знае дали ќе се појави на седница

-

Специјалната јавна обвинителка, Катица Јанева, денеска се чувствува подобро, но сè уште не знаеме дали ќе се појави на седницата на Комисијата за политички систем и односи меѓу заедниците, велат од СЈО за „Мета“.

Синоќа по дводневна расправа за вториот извештај за работата на СЈО и одговарање на пратенички прашања, на Јанева ѝ се слоши и таа ја напушти седницата.

– Навистина ми е жал што поради мојата здравствена состојба морав да ја напуштам седницата на Комисијата за политички систем и односи меѓу заедниците и се извинувам на сите пратеници што денеска не сум во можност повеќе да присуствувам на седницата – рече специјалната јавна обвинителка Јанева.

Од СЈО вечерта соопштија дека побарале лекарска помош и дека здравствената состојба на обвинителката е под лекарски надзор.

За денеска, во 13 часот, е закажано продолжение на седницата на комисијата.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Израел ја бомбардира Сирија, има над 40 жртви

Израел го бомбардираше регионот околу градот Алепо во Северна Сирија, пренесува Гардијан. Израелските сили таргетирале членови на либанската паравоена организација Хезболах. Има повеќе различни контрадикторни информации за бројот на убиени,...