На 2 октомври годинава, Унгарците на референдум ќе треба да се изјаснат дали ги поддржуваат задолжителните квоти за прифаќање бегалци во нивната земја, кои се пропишани од Европската Унија.
Референдумот е инициран од владата, а во соопштението од кабинетот на претседателот на државата, Јанош Адер, се наведува дека граѓаните ќе треба да одговорат на прашањето „Дали сакате ЕУ да наредува задолжително населување на неунгарски граѓани во Унгарија без согласност на парламентот?“.
Одржувањето на референдумот беше предложено во февруари од премиерот Виктор Орбан, кој го отфрли учеството на Унгарија во програмата на ЕУ за распределување на бегалците меѓу земјите членки.
Тој ги повика граѓаните на референдумското прашање да одговорат со „не“, затоа што тоа било во интерес на државата.
