Министерството за здравство (МЗ) информира дека денеска е откриен првиот случај на коронавирус-сојот Омикрон во земјава.
Секвенционирањето е направено во приватната болница „Жан Митрев“ во Скопје, кај маж кој допатувал од Велика Британија.
Станува збор за реинфекција, односно пациентот во јануари 2021 година ја имал прележано болеста и тогаш бил асимптоматски. По прележувањето на болеста, пациентот примил две дози од вакцината Фајзер.
По втор пат позитивен тест на ковид-19 има од пред 2 дена, по што е потврдено дека е сојот Омикрон.
„Во моментов пациентот има лесна клиничка слика и се лекува во изолација во својот дом“, соопшти МЗ.