fbpx

МЗ: Д-р Божидар Бошковски ќе биде новиот гинеколог во Шуто Оризари

-

Докторот Божидар Бошковски ќе биде новиот гинеколог во Општина Шуто Оризари, информираат од Министерството за здравство. Оттаму додаваат дека на вчерашната средба, министерот за здравство, Венко Филипче и гинекологот д-р Божидар Бошковски дискутирале околу отворањето на ординацијата, со цел жените од оваа општина да ја имаат потребната и неопходна здравствена услуга.

„Локацијата за ординацијата е најдена, а на средбата беше договорено ресорното министерство да ја опреми ординацијата. Сите жени од Шуто Оризари сега ќе имаат гинеколог, кој ќе се грижи за нивното здравје. Д-р Бошковски е искусен гинеколог кој ќе им биде на располагање на сите пациентки од оваа општина“, потенцира министерот Филипче.

Како што вели тој, проблемот со недостигот на гинеколог во Шуто Оризари е решен, а најважно е тоа што пациентките ќе можат навремено да ги извршуваат своите гинеколошки прегледи.

Граѓаните од општината, но и невладиниот сектор долго време апелира за недостигот на гинеколог во Шуто Оризари. Неодамна, Иницијативата на жените на Шуто Оризари реагираше за немањето на матичен гинеколог во Шуто Оризари, како и за квалитетот на репродуктивното здравје на Ромките од Шуто Оризари. Нивната реакција доаѓа по последниот случај со починатата родилка и нејзиното бебе на Универзитетската клиника за гинекологија и акушерство во Скопје.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Портокаловата фаза ги препоти граѓаните

Летото во државава започнува со прогласена портокалова фаза, температури над 30 степени Целзиусови и топла воздушна маса од југ која предизвикува сончево и натпросечно топло време за овој период...