Во периодот од 6 август до 21 октомври, на територијата на државата 42.945 граѓани биле позитивни од тестираните лица на ковид-19, а од нив, 26 проценти биле целосно вакцинирани, односно 11.253 лица, се вели во анализата на Министерство за здравство.
„Голем е бројот на невакцинирани граѓани кои се заразиле со ковид-19. Според статистика за изминатиов период 31.692 граѓани, односно 74 отсто од позитивните на ковид-19 не биле вакцинирани. Процентот на хоспитализирани лица кои се невакцинирани изнесува 76 отсто, додека само 24 отсто од сите моментално хоспитализирани пациенти се целосно вакцинирани,“ се вели во соопштението.
Смртноста кај невакцинираните е драстично поголема, покажува анализата.
„Во период од 6 август до 21 октомври на територија на државата починале 1.506 лица со ковид-19, 1.246 пациенти, односно 83 отсто од починатите не биле вакцинирани, а само 260, односно 17 отсто примиле вакцина. Според анализите починатите имале повеќе комбинирани хронични заболувања. Пациентите биле вакцинирани со сите типови вакцини кои ги има на располагање кај нас“ се додава во соопштението.
