Министерството за внатрешни работи (МВР) во текот на вчерашниот ден продолжи со засилените акциски контроли во областа на сообраќајот. На територијата на град Скопје во текот на вчерашниот ден изречени се вкупно 429 санкции, информираат од МВР. Воедно, само на територијата на Општина Илинден вчера биле изречени 157 санкции.
На територијата на СВР Скопје, во текот на вчерашниот ден биле изречени вкупно 62 прекршоци за пречекорување на дозволената брзина на движење, биле откриени и изречени 35 мерки за технички неисправни и нерегистрирани возила што се вклучиле во сообраќај, додека на 31 лице им биле напишани казни за возење без возачка дозвола. Вчера во главниот град биле изречени 58 санкции за неносење на заштитна маска.
Од МВР потенцираат дека засилените сообраќајни контроли продолжуваат и во наредните денови. Тие апелираат до граѓаните да ги почитуваат сообраќајните правила и прописи за да се зголеми безбедноста во сообраќајот.
