Министерството за внатрешни работи во изминатите 24 часа издало потврди за искажана намера за поднесување барање за признавање право на азил на 179 мигранти.
Според државјанството, потврди се издадени на 150 државјани на Сирија и на 29 државјани на Ирак, додека нема издадено потврди на државјани на Авганистан.
Од први јануари до вчера издадени се вкупно 88.823 потврди на мигранти.
Во изминатото деноноќие до Секторот за азил не се поднесени барања за признавање право на азил врз основа на претходно издадена потврда за искажана намера за поднесување барање за признавање на правото на азил.