Министерството за внатрешни работи (МВР) апелира до јавноста, особено до родителите, да обрнат внимание на активностите на своите деца на социјалните мрежи откако од страна на Интерпол е добиена информација дека на профили на социјалната мрежа „Тик Ток“ во Русија и Израел се забележани повици за самоповредување на малолетни лица.
„Спорeд досегашните сознанија, вакви повици нема од профили на наша територија ниту од околните држави, но апелираме на будност и надзор со цел да се избегнат било какви несакани случувања“ велат од МВР.
