СВР Битола потврди дека денеска попладне со куршум во ногата е повреден Борче Петковски, висок функционер на СДСМ од Битола и поранешен пратеник.
Оттаму за „Мета“ велат дека се врши увид и вештачење, а за подоцна најавија повеќе информации.
Инаку, настанот се случил во битолската населба Карпош, додека членот на опозициската партија седел и разговарал со свои пријатели на тротоар.
Куршумот, како што дознаваме, завршил во неговата натколеница, по што тој бил хоспитализиран, но е надвор од животна опасност.
Засега не се знае кој и од каде пукал.
Информацијата за случајот со голема брзина се рашири низ градот, внесувајќи немир меѓу граѓаните.
