fbpx

МВР: Ги исполнуваме обврските од планот „3-6-9“, законот за заштита на сведоци е подготвен

-

Министерството за внатрешни работи денеска соопшти дека ги исполнува обврските од реформскиот план „3-6-9“ на Владата и дека дел од нив се целосно реализирани, а останатиот дел ќе бидат исполнети во предвидените рокови.

Оттаму информираат дека МВР е носител на активностите кои се однесуваат на реформите во разузнавачките служби, борбата против организираниот криминал и миграционата политика, а министерството учествува и во работните групи за подготoвка на предлог-законот за зашитита на сведоци и на законот за заштита на приватност, кои се во надлежност на Министерството за правда. Текстот на предлог-законот за заштита на сведоци, велат од МВР, е подготвен.

Во врска со реформите во разузнавачките служби, од МВР велат дека од предвидените шест мерки, три се целосно исполнети, а три се во напредна фаза и ќе бидат завршени во предвидениот рок.

Инаку, вицепремиерот за европски прашања, Бујар Османи, вчера на прес-конференција соопшти дека од вкупно предвидени 73 мерки, во првиот дел од планот „3-6-9“, досега се реализирани 34 мерки, повеќе од 30 мерки се во тек, а за неколку Владата констатирала дека доцнат.

Тој посочи дека има доцнење во Министерството за внатрешни работи, кое, како што рече, сè уште не почнало со подготовката на новиот предлог-закон за заштита на сведоци и сè уште нема точно поделени ингеренции со Министерството за правда, како и кај институциите кои се надвор од ингеренциите на Владата. Доцнење, рече Османи, има и кај институциите кои се надвор од ингеренциите на Владата, односно Собранието, каде сè уште не е почната т.н. инклузивна дискусија за избор на модел за реформа на системот за следење на комуникациите.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...