Фото: Министерство за внатрешни работи
Министерството за внатрешни работи (МВР) апелира до граѓаните, доколку било кој препознае некого од хулиганите, како што е лицето на снимката кое го фрли молотовиот коктел спрема полицијата и објектот на Собранието, може да го пријави тоа на телефонскиот број 192 или во најблиската полициска станица.

„Без разлика дали пријавата е анонимна или не, полициските службеници ќе постапат и, доколку се потврди идентитетот, против насилниците ќе бидат преземени соодветни законски мерки“, велат од полицијата.

Министерството апелира до граѓаните да не дозволат да бидат вовлекувани во ничии сценарија, ниту во било какви насилни инциденти, бидејќи ќе бидат преземани најригорозни мерки и нема да се толерира нарушување на мирот и безбедноста

„Секој дијалог треба да се води во институциите на системот, а македонската полиција е токму гарантот за безбедноста на тие институции, на државата и нејзините граѓани“, нагласија од МВР.

За време на синоќешните протести 11 лица од толпата беа приведени, а 47 полицајци беа повредени. Од нив двајца се здобија со тешки повреди и згрижени се на Клиниката за неврохирургија.

Единаесет приведени демонстранти и 47 повредени полицајци, Спасовски: Насилството е сериозен удар за демократијата

Напишете коментар

Внесете го вашиот коментар
Please enter your name here