fbpx

Муцунски: Некој го мести Николовски, МВР да ги разоткрие вистинските сторители

-

Потпретседателот на опозициската ВМРО-ДПМНЕ, и градоначалник на општина Аеродром, Тимчо Муцунски смета дека некој го мести 23 годишниот Никола Николовски кој е осомничен за поврзаност со лажните закани за бомби во скопските средни училишта. Муцунски на социјалните мрежи објави оти смета дека Николовски е невин, а полицијата треба да ги разоткрие вистинските сторители.

Муцунски во својата објава на социјалните мрежи вели дека тоа што некој пуштил порака од наводен е-маил на Николовски во кој бил содржан и неговиот телефонски број, е „логична индиција дека некој се обидел да го намести“.

„Дополнително, непостоењето на форензички доказ кој упатува на него, исто така би бил логичен индикатор кој упатува на противправно дејствие сторено од некое друго лице. И покрај наведеното, синоќа над 10 часа беше задржано 23-годишно младo, невино и перспективно лице, беше извршен претрес на неговиот дом и се наруши достоинството и честа на еден наш граѓанин и едно македонско семејство“, реагира Муцунски.

Според Муцунски, приведувањето на Никола пушта уште еден загрижувачки сигнал, дека ако си млад, воспитан, едуциран, успешен и слободоумен, тогаш демнее и опасноста да бидеш урнат, поттиснат, навреден и замолчен.

„После овој немил настан очекувано е МВР да се извини на цела македонска јавност, истовремено да се фати со сериозна стручна работа и конечно да ги разоткрие вистинските сторители на ова дело кое созава немир кај учениците и сите наши граѓани“, напиша Муцунски.

 

View this post on Instagram

 

A post shared by Timco Mucunski (@mucunski)

Како што веќе објави Мета.мк, во електронската порака во која се упатува заканата до средните училишта и која е потпишана со име, презиме и телефонски број, содржана е и шега која рускиот претседател Владимир Путин ја кажа неодамна.

Инаку, пред неколку дена, во своето гостување на Радио Лидер, токму Муцунски потенцираше дека постои сомнение што доаѓа надвор од Македонија дека владини претставници, одредени министри и безбедносни структури во земјата финансираат проруски медиуми преку користење на државни ресурси.

Тој тогаш рече дека овие медиуми ширеле кампања спротивна на интересите на нашата држава како земја-членка на НАТО.

Уредникот на порталот Инфомакс.мк, Александар Митовски, пак, во синоќешната епизода на емисијата „Тешки муабети“, прикажа фотографија од градоначалникот на Аеродром, Тимчо Муцунски, каде во позадина наводно стои и осомничениот Николовски. По емитувањето на емисијата, синоќешната епизода на „Тешки муабети“ стана недостапна за гледање.

По повеќечасовен разговор во полициска станица, Николовски е пуштен на слобода, а од неговиот дом, по извршен претрес, се одземени повеќе предмети за вештачење, информираа претходно од МВР.

Одземени предмети за вештачење од домот на осомничениот Николовски, тој е пуштен на слобода

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Млади иноватори изработија мобилна апликација за помош на дијабетичари

Ѓорѓина Ристовска и Марио Мијатовиќ се млади иноватори кои ја креираа апликацијата ДИА, како асистент на лицата со дијабетес за менаџирање на оваа состојба. Инспирирани од желбата да помогнат...