fbpx

МРТ догодина очекува да добие 1 отсто од државниот буџет, но за ова нема одговор од државните институции

-

Македонската радио-телевизија (МРТ) очекува догодина да добие финансиски средства во износ од еден отсто од реализираните вкупни приходи на државниот буџет за годинава. Јавниот радиодифузен сервис ја објави Предлог-годишната програма за работа за 2021 година, во која се наведува дека согласно Законот за аудио и аудиовизуелни медиумски услуги догодина треба да добијат значителни повисоки средства од државниот буџет во споредба со годинава.

„Но, со оглед на фактот што ЈРП МРТ се уште нема добиено официјално известување од државните институции за тоа со колкав вкупен износ ќе биде финансирано нејзиното тековно работење во идната 2021 година, во Финансискиот план за 2021 година, делот за финансирање на радиодифузната дејност е планиран во ист обем како и во тековната 2020 година и претходната 2019 година“, се наведува во објавениот документ.

Поаѓајќи од ова, раководството на МРТ ја планира приходната страна и во 2021 година да изнесува околу 14,5 милиони евра како средства за финансирање на радиодифузната дејност што би ги добиле од буџетот. Со овие средства треба да се обезбедат 87,6 отсто од вкупно планираните приходи на јавниот сервис за 2021 година. Заедно со нив, финансирањето на МРТ за 2021 година е проектирано со вкупно планирани приходи од околу 16,5 милиони евра.

Финансирањето на јавниот радиодифузен сервис е едно од главните отворени прашања во делот на медиумските реформи, кои секоја година добиваат на актуелност. Раководството на МРТ годинава планираше да добие околу 21 милиони евра од државниот буџет, но од Министерството за информатичко општество и јавна администрација добија 14,5 милиони евра. Скалестото покачување на процентот што МРТ треба да го добива од државниот буџет со актуелниот закон е со поставен услов „доколку има доволно средства во буџетот за вакво покачување“.

Македонската-радио телевизија (МРТ) во 2019 година остварила вкупни приходи од 15,1 милиони евра или за 300.000 евра помалку во однос на 2018 година. Приходите на јавниот радиодифузен сервис опаѓале изминативе пет години, при што лани истите биле намалени за околу 5,7 милиони евра во споредба со 2015 година.

foom-logo-disklejmer

Текстот е изработен во рамки на проектот „Опсерваторија на медиумските реформи“, што го спроведува Фондацијата за интернет и општество „Метаморфозис“, со финансиска поддршка на „Фондацијата Отворено општество – Македонија“.

Содржината на текстот е единствена одговорност на авторите и на ниту еден начин не може да се смета дека ги одразува гледиштата на „Фондацијата Отворено општество – Македонија“.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Украинската одбрана соборила 84 руски воздушни цели

Ноќеска Русија изврши уште еден масовен воздушен напад врз украински објекти за гориво и енергија, соопшти украинската одбрана. Непријателот ја нападнал Украина со 60 беспилотни летала Шахед и 39 проектили...