Министерството за образование и наука и Синдикатот за образование, наука и култура (СОНК) по неколкудневни интензивни преговори, постигнаа заемно прифатлива спогодба во однос на сите отворени прашања, потврдија и од Синдикатот и од Министерството.

„Врз основа на заемно прифатената спогодба, одлуката за генерален штрајк на СОНК се повлекува. Истовремено, продолжуваат интензивните преговори во рамки на социјалниот дијалог. Ги известуваме родителите и учениците, дека наставата од утре, 4 февруари 2015 година, ќе продолжи нормално да се реализира во сите училишта“, стои во соопштението.