Ноќеска, четириесетина минути по полноќ, на булеварот Борис Трајковски, во населбата Кисела Вода, се случила сообраќајна незгода меѓу автомобил, марка „бмв“ и мотоцикл, чиј возач, 22-годишно момче, бил тешко повреден во несреќата.
Мотоциклистот со тешки телесни повреди, со возило на итна медицинска помош бил префрлен во Градската хируршка болница „Наум Охридски“. Како што информираат од МВР, момчето е неконтактибилно и е во животна опасност.
Возачот на „бмв-то“ е со иницијали М.Д. (43), од Скопје.
„На 27 јули 2016 година, во 00.40 часот во Скопје, на булевар Борис Трајковски, се случила сообраќајна незгода помеѓу патничко моторно возило „бмв“ со скопски регистарски ознаки, управувано од М.Д. (43) од Скопје и мотоцикл „хонда цбр“ без регистарски ознаки, управуван од С.А. (22) од Скопје. Во незгодата, тешки телесни повреди добил возачот на мотоциклот, кој со возило на итна медицинска помош бил префрлен во Градска општа болница „Наум Охридски“. Истиот е неконтактибилен и се наоѓа во животна опасност. Увид извршила екипа на СВР Скопје“, стои во белешката за случајот во денешниот билтен на МВР.
На социјалната мрежа „Твитер“ почнаа да се појавуваат информации дека, наводно, возачот на „бмв-то“ бил Дејан Митревски – Урко.
Поправка, наводно Урко бил со BMW кола, и удрил во дете на мотор.
— Демијан (@demijan_ha) July 27, 2016
Урко згазил дете со мотор
— Branko (@pratenikot) July 27, 2016
#Лом во КВ на сама рампа 🙁 .. бемве со мотор. pic.twitter.com/4x9k43XVSX
— Daniel Anastasoff (@algorit007) July 27, 2016
