Според Министерството за надворешни работи, не се точни информациите дека Македонија, поради неплатена членарина, го изгубила правото на глас во Генералното собрание на Организацијата на обединетите нации.
Од МНР информираат дека долгот е намирен и наскоро тоа ќе биде нотирано во ОН.
– Имавме две недели рок да платиме. Во однос на плаќањето на членарината кон ОН, неопходниот износ е намирен и тоа наскоро ќе биде нотирано во ОН – велат од МНР.
