МКЦ виртуелно ќе го прослави роденденот на уметноста в петок

Фото: МКЦ

В петок, на 22 јануари со почеток од 18 часот, Младинскиот културен центар (МКЦ) со онлајн настани ќе го одбележи Роденденот на уметноста.

„По сето сработено во изминатата 2020, по толку многу онлајн-настани, по речиси целосно „дигитализирање“ и на културата и на нашите животи, решивме ова издание на Роденденот да го одбележиме со еден избор од онлајн-настани организирани од/во МКЦ, во текот на 2020 година. Нормално, со надеж дека 2021 ќе ни донесе нормализирање на ситуацијата и враќање на публиката во живо“, велат од МКЦ.

Оттаму додаваат дека публиката ќе ја потсетат на проектите #CrossШtream, #КултураВоВремеНаКорона, #EuropeanMusicDay, кратки филмови од Makedox, Flipbook film festival и Cinedays.

Целосната програма може да се погледне на овој линк.