Банките во овој момент нема да ги зголемат каматите на кредитите на граѓаните, иако анализата на состојбата сè уште трае.
Ова денеска го истакна претседателот на Здружението на банкарството при Стопанска комора на Македонија, Коста Митровски, на редовната средба на банкарите со гувернерот Димитар Богов.
– Во овој момент анализите сè уште траат и нема да има зголемување на каматните стапки, но ќе видиме за наредниот период. Можни се поатрактивни каматни стапки на депозитите – додаде Митровски.
Според гувернерот Димитар Богов, зголемувањето на референтната каматна стапка на Народна банка, за 0,75 проценти, со себе може да повлече и зголемување на другите каматни стапки, но тоа зависи од деловните политики на банките.
