Во новата епизода на емисијата „Шорткат“ која ќе се емитува вечерва со почеток во 19 часот ќе прикажеме дел од рубриката „Зошто (не) е така?“ во која тема е сеопфатното сексуално образование. За најраспространетите дезинформации и митови за сексуалното образование во училиштата зборуваат Катерина Иванова од ХЕРА, психологот Радмила Живановиќ и новинарката и активистка Рита Бехадини.
Дел од другите содржини ќе биде веста за студентскиот марш што се одржа на Меѓународниот ден на студентите, како и нарушеното ментално здравје кај учениците поради лажните дојави за бомби во скопските средни училишта.
Ќе информираме и за најновата вест во однос на изградбата на регионалните депонии, за враќањето на Твитер профилот на поранешниот американски претседател Доналд Трамп, а го најавуваме и 18-тото издание на интернационалната конференција „е-Општество.мк“.
„Шорткат“ ќе биде објавена вечерва во 19:00 часот на Инстаграм, Фејсбук и Јутјуб.