Австрискиот вицепремиер, Рајнхолд Митерленер, изјави дека бегалците на грчко-македонската граница свесно седат на дожд и во кал, за да извршат притисок за отварање на балканската рута.
Митерленер во изјава за виенскиот весник „Кронен цајтунг“, рече дека фотографиите со деца и бебиња во кал свесно се политизираат.
-Во Грција има на располагање сместувања кои одговараат особено за семејства и деца, но многу бегалци не ги прифаќаат за да извршат притисок со цел отворање на балканската рута – изјави Митерленер.
Тој рече дека сликите со бебиња во кал можат да се избегнат со сместување на бебињата во болници.
– На бебињата им посакувам добра иднина, се надевам во Европа – порача Митерленер.
