Министерството за земјоделство, шумарство и водостопанство (МЗШВ) соопшти дека отворило кол центар наменет за земјоделците, агробизнисмените и за граѓаните, кој би требало да им помогне да дојдат до сите потребни информации и да добијат различни услуги.
Заинтересираните може да се јавуваат на телефонските броеви 071/204-137, 070/415-314 и 070/415-389. Линиите ќе бидат во функција од 8 до 17 часот.
Преку кол центарот земјоделците и агробизнисмените ќе можат да добијат информации поврзани со исплата на субвенции, рокови за аплицирање за конкретни мерки, огласи за земјиште и сите останати информации од областа на земјоделство. Воедно, преку кол центарот ќе може да се пријавуваат и одредени проблеми со кои се соочуваат земјоделците и агробизнисмените, како и да пријават незаконски дејствија.