Депонијата во Шутка, за која редовно пишуваат „Портал.мк“ и „Мета.мк“, е вклучена во списокот на трите диви депонии на територијата на Општина Шуто Оризари што ќе се исчисти во рамките на тендерот на Министерството за животна средина и просторно планирање.
Спорната депонија е означена како RAIL 057 во документот „Регионален план за управување со отпад“ од 2016 година, пишува „Порталб.мк“. Во документацијата е приложено решението за чистење на дивите депонии во Шуто Оризари, во кое се наведува дека тие имаат акумулирано 6.523 метри кубни отпад, а пак за оваа услуга е предвиден буџет од 4.965.000 денари. Со актуелниот тендер треба да се избере најповолен понудувач за чистење на депонијата.
Штом ја слушнаа веста дека депонијата ќе биде исчистена, ж|Жителите од Шуто Оризари поставија неколку прашања во врска со идниот развој на просторот каде се наоѓа депонијата.
– Дали тоа значи дека тие ќе направат место за Курто да фрла ново ѓубре? Важно е да се знае што ќе се случи откако ќе се исчисти депонијата и каде ќе заврши отпадот што е фрлен на ова место – реагира жителка на Шуто Оризари.
Реакцијата од жителите на околните населени места доаѓаат откако „Порталб.мк“ претходно објави дека лицето, кое го сретнавме како фрла ѓубре, изјави дека имало дозвола да фрла отпад издадена од градоначалникот на Шуто Оризари, Курто Дудуш. Инспекторатот на Шуто Оризари објави дека засега депонијата се одржува.
