Министерот за финансии, Кирил Миноски најави ребаланс на буџетот поради политичката неизвесност која според него, сигурно ќе има ефект врз економијата и економската активност.

– И покрај здраво поставените економски политики, политичката криза почна да ги дава резултатите. Поради тоа треба да се направат корекции во државната каса и ние тоа ќе го направиме. Ребалансот ќе биде одговор на ефектите од политичката криза, односно реакција на забавувањето на растот преку поддршка на приватната потрошувачка и на јавните инвестиции. Капиталните инвестиции остануваат на високо ниво, повисоко од минатата година – изјави Миноски во интервју за агенцијата „МИА“.