Министерот за надворешни работи, Никола Попоски, од денеска престојува во официјална посета на Исламска Република Иран.
За време на посетата, министерот Попоски ќе оствари средби со министерот за надворешни работи на Иран, Џавад Зариф, претседателот на Иран, Хасан Рухани, претседателот на Исламското собрание на Иран, Али Лариџани, и со министерот за култура и за исламско водство, Али Џанати. Во рамки на посетата, предвидено е и одржување на македонско-ирански бизнис-форум.
Ова е прва официјална посета на министер за надворешни работи на Република Македонија на Исламската Република Иран.
