fbpx

Милошоски: Договорот со Бугарија има слабости, треба да се подобри преку пет точки

-

Во следниот период, наместо да брза и да брка датум за потпишување на македонско-бугарскиот договор,Владата треба да работи за подобар квалитет на текстот за постигнување на еден договор што ќе значи и заемна почит на двата народа и заемно признавање на двете држави, на двете култури и заемна соработка за перспективата на Македонија и на Бугарија како соседи.

Ова денеска го изјави пратеникот на ВМРО-ДПМНЕ, Антонио Милошоски, по завршувањето на седницата на Комисијата за надворешна политика, која на барање на премиерот Зоран Заев беше затворена за јавноста.

Тој во пет точки ги наведе предлозите со кои треба да се надгради договорот, посочувајќи дека за разлика од Декларацијата од 1999 г., која е необврзувачка и има улога на препорака за соработка и за добрососедство, договорот е правно обврзувачки билатерално и меѓународно и затоа треба да се внимава што се потпишува, бидејќи можно е да произведе последици во иднина.

– Прво, нашата главна забелешка и препорака беше, дали македонскиот народ како конститутитвен народ во Република Македонија ќе биде споменат или нема да биде споменат во договорт за добрососедство помеѓу Македонија и Бугарија. Ние сметаме дека ако е договор за добрососедство и договор на добра волја, прјателство и на соработка, не би требало за ниеден политичар ниту во Софија ниту во Скопје да биде проблем, македонскиот народ да биде споменат во овој договор – рече Милошоски.

Како втора забелешка тој го наведе прашањето дали македонскиот јазик во договорот ќе биде споменат дека постои само заради постоењето на Уставот на Македонија или фразата ќе биде таква дека македонскиот јазик има своја посебност независно од Уставот.

Третата забелешка е дали премиерот Заев е подготвен да потпише билателарен договор со кој се обврзува да се грижи за Македонците надвор од државата.

– Четвртата забелешка се однесуваше на фразата „заедничка историја“, каде што пратениците од Коалицијата за подобра Македонија сметаат дека би било многу подобро да се употреби една поширока фраза со која ќе бидат истакнати и дел од заедничката и дел посебните истории на Македонија и на Бугарија и на македонскиот и на бугарскиот народ. И петтата, последна и суштинска забелешка која што ја дадовме во однос на овој договор се однесуваше на забележителната асиметрија на правата и на обврските на двете договорни страни во договорот. Се предвидуваат многу повеќе права за Република Бугарија како страна во овој договор, а многу повеќе ограничувања, рестрикции и обврски за Република Македонија како страна во овој договор – рече Милошоски.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...