fbpx

Мицкоски му се жали на осудениот Кичеец дека го снимиле додека бил на средба со осомничениот Камчев (аудио)

-

Претседателот на ВМРО-ДПМНЕ, Христијан Мицкоски, во разговор со осудениот за случајот „Рекет“ Зоран Милески – Кичеец вели дека се среќавал со осомничениот во случајот „Империја“, Орце Камчев додека овој бил под надзор на властите.

Во снимката, која осамна на анонимен профил на „Јутјуб“, а е продолжение на веќе објавените разговори меѓу Мицкоски и Милески, претседателот на ДПМНЕ му вели на осудениот Кичеец, кој самиот ја призна вината за случајот „Рекет“, дека бил сликан на некоја од средбите со осомничениот за злосторничко здружување и други кривични дела во случајот на СЈО „Империја“.

„Мене ме имаат сликано таму како влегувам. Под ПИ-мерки кога беше тој, ниту излегло муабет од мене дека се слушаме некој пат, ниту друг муабет“, објаснува Мицкоски на снимката и додава дека бил во автомобил и дека го сликале во возилото додека тоа влегува.

На снимката се слуша и женски глас, кој вели: „Го имаат сликано кога беше кај нас, како има дојдено, пошто Орце беше под ПИ мерки“.

На тоа Милески прашува: „Ве имаат сликано? Сигурно?“.

На што Мицкоски одговара: “Сто посто, не мене, колата како влегува“.

Пред речиси еден месец беа објавени уште четири разговори на кои се слушаат стратегии за соработката меѓу Мицкоски и Кичеец за време на претседателските избори.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Оживува пропагандата за непостоечка продажба на органи од украински војници

Проверувачи на факти од Украина веќе пишуваат дека ова видео претставува дел од руската пропаганда. Центарот за борба против дезинформации објавува на Фејсбук дека станува збор за невистина. Во...