fbpx

Мицкоски предложи реорганизација на Владата

Предвидено е да има Министерство за култура и туризам, како и ново Министерство за дигитализација, кое ќе ги наследи обврските што ги имаше Министерството за информатичко општество и администрација

-

Идниот мандатар Христијан Мицкоски денеска поднел предлог-закон до Собранието, кој предвидува реогранизација на ресорите во Владата. Се предвидува да бидат формирани, односно реорганизирани министерства, а со реорганизацијата, наместо 16 министерства, предвидено е да 20.

Се планира Министерството за економија и труд да биде министерство кое ги опфаќа дел од ингеренциите на старото Министерство за економија. Министерството за труд и социјална политика ќе биде Министерство за социјална политика, демографија и млади.

„Агенцијата за млади и  спорт нема повеќе да постои и ќе имаме посебно Министерство за спорт. Ќе има ново формирано Министерство за енергетика, рударство и минерални суровини. Ќе има и Министерство за култура и туризам, како и ново Министерство за дигитализација, кое ќе ги наследи обврските што ги имаше Министерството за информатичко општество и администрација. Исто така, ќе има и Министерство за администрација“, кажа Мицкоски на денешната прес-конференција.

Тој кажа дека граѓаните дале доверба зашто политиките кои треба идната Влада да ги реализира, треба да донесат владеење на правото.

„Сите што се огрешиле пред законот ќе одговараат. За да донесеме реформи во економијата, да го подобриме стандардот, да го подобриме образованието во здравството, ни треба добра организација на Владата. Затоа го поднесов овој предлог-закон за измена на Законот за организација и работа на органи на државна управа, по скратена постапка“, додаде тој.

Се очекува измените да бидат изгласани на 11 јуни на пленарна седница.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Израелскиот претседател чекал 40 минути во авионот во Париз поради „безбедносна загриженост““

На израелскиот претседател Исак Херцог и на неговата делегација им било дозволено да излезат од авионот на парискиот аеродром дури откако поминале 40 минути во авионот „поради безбедносна загриженост“,...