Велика Британија мора да остане во ЕУ бидејќи е „важна порта кон светот за европските нации“, истакна германската канцеларка Ангела Меркел, во Сиднеј, по нејзиното учество на самитот на Г-20 во Бризбен.

– Што и да направат Британците, е нешто за што мораат сами да донесат одлука и тие сигурно нема да ги слушаат другите што ќе кажат за тоа. Но, за нас е најважно да ја имаме Велика Британија во ЕУ бидејќи тоа е земја што е отворена кон другиот дел на светот – изјави германската канцеларка.