fbpx

Меркел подготвена на отстапки во интерес на останувањето на Велика Британија во ЕУ

-

Челниците на Европската унија можеби ќе мораат да разговараат за измени на договорите за да се спроведат реформите што ги бара Велика Британија пред одржувањето на референдумот за останување или излегување од ЕУ, изјави германската канцеларка, Ангела Меркел во интервју за „Би-Би-Си“.

„Ако тоа навистина е потребно, ќе мораме да размислиме“, вели Меркел во одговор на прашањето дали ќе се изменат договорите во ЕУ за да се задоволат британските барања за реформа во Унијата.

Британскиот премиер Дејвид Камерон вети дека повторно ќе се расправа за односите меѓу Лондон и Брисел пред одржувањето на референдумот за британското членство во ЕУ до крајот на 2017 година, истакнувајќи дека смета оти се потребни измени на договорите за да се спроведат реформи.

Меркел, во интервјуто, вели дека би можела да поддржи дел од измените што ги бара Камерон, потсетувајќи дека и претходно се пронаоѓале решенија со примена на исклучоци за некои држави од политиките и од законодавството на ЕУ, за одредени подрачја.

„Оптимист сум и мислам дека ако сакаме, можеме да најдеме добро решение. Тоа е дел од нашата работа, а во неа спаѓа и создавањето потребните услови за останување на Велика Британија во ЕУ“, вели Меркел.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...