Германската канцеларка Ангела Меркел денеска ја поддржа синоќешната одлука за откажување на фудбалскиот натпревар меѓу Германија и Холандија поради безбедносни причини.
– И јас, како и милиони навивачи, бев тажна поради откажаниот натпревар. Но, безбедносните претставници донеле одговорна одлука – рече Меркел во краткото обраќање пред новинарите.
Таа додала дека ова е „тешка одлука“, имајќи ги предвид „спротивставените приоритети, слободата и безбедноста“.
Разузнавачките служби располагале со конкретни индикации за безбедносни закани, поради кои е откажан фудбалскиот натпревар Германија – Холандија.