Германската канцеларка Ангела Меркел по состанокот со турскиот претседател Реџеп Таип Ердоган изјави дека нема изгледи дека Турција ќе ги исполни сите услови за укинување на визите во наредните недели.
– Се гледа дека некои работи нема да можат да се применат до 1 јули, конкретно укинувањето на визите, затоа што условите се уште не се исполнети – вели Меркел.
Таа во текот на разговорот со Ердоган изразила загриженост поради неодамнешната одлука на турскиот парламент на некои пратеници да им се одземе имунитетот.
– Ставив јасно до знаење дека е потребен независен правосуден систем, независни медиуми и силен парламент. Секако одлуката да се одземе имунитетот на секој четврт пратеник во турскиот парламент е нешто што предизвикува длабока загриженост. Тоа јасно му го кажав на турскиот претседател – рече Меркел.
