fbpx

Меркел го поздрави предлогот на Меј за правата на европските граѓани по Брексит

-

Германската канцеларка Ангела Меркел го поздрави предлогот на британската премиерка Тереза Меј, која на првиот ден од самитот на лидерите на Европската Унија во Брисел изјави дека државјаните на земјите од ЕУ што живеат во Велика Британија ќе можат да останат во земјата и по нејзиното излегување од Унијата.

„Тоа е добар почеток. Но, нормално има уште многу прашања“, изјавила доцна синоќа германската канцеларка, коментирајќи ги плановите на Тереза Меј за периодот по Брексит.

Според плановите, Велика Британија официјално би требало да го напушти членството во ЕУ во март 2019 година.

Британската премиерка изјави дека ќе ги заштити правата на граѓаните на ЕУ во Велика Британија и дека настојува да воспостави слична заштита на правата на Британците кои живеат во другите земји од ЕУ.

Инаку, во Брисел денеска завршува дводневниот самит на лидерите на Европската Унија, на кој првпат учествува новиот претседател на Франција, Емануел Макрон.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...