Утре (22 септември) со почеток од 20:00 часот во Ликовниот салон во Велес ќе се одржи 19. издание на Меѓународниот салон на стрип „Велес 2022“.
На отворањето ќе бидат прогласени победниците и доделени наградите во повеќе категории, информираат организаторите.
Паралелно, од 22 до 25 септември во Спомен куќата на Касапови ќе се одржи и четвртата Стрип колонија „Велес 2022“ што е втора колонија од ваков вид во Европа и во која учество ќе земат петнаесетина стрип артисти од Македонија, Србија, Романија и Албанија.
Изложбата на Меѓународниот салон ќе биде отворена за посета до 30 септември, секој работен ден од 08:00 – 16:00 часот.
