Апелациската комора на Меѓународниот резидуален механизам за кривичните трибунали (IRMCT) донесе пресуда во случајот против двајца поранешни раководители на Службата за државна безбедност (СДБ) при МВР на Србија, Јовица Станишиќ и Франко Симатовиќ, со што ја потврди првичната првостепената пресуда и им ја зголеми казната на 15 години затвор. Тие се осудени дека како дел од поголема криминална група вршеле етничко чистење за време на војната во Босна и Херцеговина во деведесетите.
Фондацијата Фонд за хуманитарно право од Белград нагласува дека ова е финалната и недвосмислана потврда за учеството на Република Србија во оружените конфликти во Босна и Херцеговина и во Хрватска.
„Највисоките функционери на СДБ на Република Србија се осудени како членови на голема криминална групација, за злосторствата сторени од Српската доброволечка гарда (СДГ), Единицата за специјални операции (ЈСО) – „Црвените беретки“, Полицијата на Мартич и Скорпионите во 1992 година во Босна и Херцеговина: Бјељина, Зворник, Босански Шамац, Добој и Сански Мост и за злосторствата изврштени во 1995 година во Трново и Сански Мост, како и за убиството на Марија Сенаши, извршено на планината Даљ во Хрватска во јуни 1992“, напоменува Фондот за хуманитарно право.
Апелациската комора пресуди дека Станишиќ и Симатовиќ, заедно со други воени, политички и полициски раководители од Србија, од тн. САО Краина, САО Славонија, Барања и Западен Срем, како и од Република Српска, сочинувале дел од голема криминална група која имала за цел трајно протерување на несрпското население од териториите под контрола на српските сили во БиХ и Хрватска, односно етничко чистење.
„Пресудите во овој случај утврдија голем број факти за малтретирање, заробување, протерување, убиства и други кривични дела против припадници на несрпското население во Хрватска и БиХ. Утврдена е одговорноста и на припадници на ЈНА, како и на специјалните полициски сили, меѓу кои е и Српската доброволечка гарда, командувана од Жељко Ражњатовиќ – Аркан. Канцеларијата на Обвинителот за воени злосторства на Република Србија мора да ги земе предвид фактите за улогата на овие единици во воените злосторства и да ги години идоговорните. Видео за годишнината на Единицата за специјални операции во 1997 година во Кула е клучен доказ за учесниците во заедничката криминална група командувана од Станишиќ и Симатовиќ. Треба да се одбележи дека покрај Скорпионите, коишто беа судени за убиство на мажи и момчиња од Сребреница во Трново во јули 1995 година, ниту еден друг припадник на единиците контролирани од СДБ не е кривично гонет од судските органи на Република Србија, иако нивните злосторства се опишани во детали во пресудите на Меѓународниот кривичен суд за поранешна Југославија и на (IRMCT) во случајот на Јовица Станишиќ и Франко Симатовиќ“, коментира Фондот за хуманитарно право (ФХП).
ФХП порачува дека имајќи ги предвид функциите извршувани од Станишик и Симатовиќ во националната власт во Република Србија и обемот и важноста на нивното учество во злосторствата, како и на страдањата на жртвите и сериозноста нартвите и сериозноста на злосторствата за коишто тие се одговорни, пресудата на Апелациската комора на IRMCT за 15 години затвор, е несоодветно блага.
Правосилната пресуда за Станишиќ и Симатовиќ е исто така последната пресуда на Меѓународниот кривичен суд за злосторствата во поранешна Југославија и на Меѓународниот резидуален механизам за кривичните трибунали (IRMCT) за делата сторени во поранешна Југославија.
Станишиќ и Симатовиќ беа уапсени во Србија на 13 март 2003 година.