Рускиот премиер Димитри Медведев рече дека САД со воведувањето нови санкции ѝ објавиле трговска војна на Русија и додаде дека нема надеж дека односите на двете земји ќе се подобрат.
Медведев е уверен дека тие мерки нема да имаат смисла и дека Русија и без разлика на санкциите, ќе има можност да се развива.
– Прво, надежта дека ќе се подобрат нашите односи со новата американска администрација е мртва. Второ, објавена ѝ е трговска војна на Русија – рече Медведев.
Рускиот премиер смета дека санкциите се целосно бесмислени и додаде дека Русија претходните години научила да ја развива својата економија во услови на „речиси целосно затворени финансиски пазари“.
