Руско-американските односи можат да се подобрат доколку САД го преземат првиот чекор, изјави рускиот премиер Дмитриј Медведев.

– Топката, како што вообичаено се вели, е на нивна страна, тие треба да ги донесат потребните одлуки – изјави Медведев.

Според рускиот премиер, надминувањето на проблемите може да се постигне доколку се тргнат санкциите и се вратат на „нормални, мирни и продуктивни преговори“.

Медведев истакна дека почнувањето на преговорите не зависи од Русија бидејќи таа нема воведено санкции.