fbpx

Манчевски: ДИК да каже дали до 5 јуни ќе имаме веродостоен избирачки список

-

Со консензус ДИК констатираше дека има над 330.000 сомнителни гласачи. Тоа е најсериозна потврда дека последните неколку изборни циклуси во Македонија се нелегитимни, обвини денеска на прес-конференција, Дамјан Манчевски, потпретседател на СДСМ.

„Од овие 330.000 сомнителни гласачи, 124.000 не се проверуваат воопшто. До денес ДИК не даде образложение зошто овие гласачи не се проверуваат. ДИК е должна да им објасни на граѓаните како ќе се проверат овие 124.000 сомнителни гласачи? До МВР се дадени повеќе од 75.000 гласачи да бидат рачно проверени. Секое досие по досие. Исто така и повеќе од 71.000 се дадени во Министерството за правда, во матична евиденција, да се проверат рачно дали имаат извод на родени. Сето тоа мора да биде завршено до 31 март, за 2 дена. При проверките во МВР, може да се случи да се појави потреба, согласно управна постапка, вработени во МВР на лице место да проверуваат живеалиште на одредени сомнителни гласачи за да се утврди фактичката состојба. И тоа до 31 март мора да биде завршено. Министерство за правда треба секоја книга за матична евиденција на родените да ја отвори и да ги провери тие 71.000 гласачи дали воопшто се родени во Македонија. Сето тоа повторно до 31 март, за 2 дена. Кога ќе завршат МВР и Министерството за правда сите спорни гласачи треба да ги достават до ДИК и за истите треба да се направи теренска проверка“, изјави Манчевски.

Тој ја повикаа ДИК, да каже дали процесот за проверка на избирачкиот список е кредибилен? Дали знае како ќе се избришат гласачите кои согласно законот не треба да бидат на избирачкиот список? ДИК да го соопшти патоказот и роковникот по којшто ќе го прочисти избирачкиот список и ќе го стави на јавен увид. И дали за изборите на 5-ти јуни е можно да има веродостоен избирачки список?

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...