Рускиот претседател, Владимир Путин, денеска во Париз се сретна со новиот француски претседател, Емануел Макрон.
Макрон го повика Путин да учествува на инагурациската изложба, која во Париз се одржува по повод 300-годишнината од дипломатската посета на Петар Велики на Франција во 1717 година.
– Ја почитувам Русија, а претседателот Владимир Путин го повикав во рамки на одбележувањето на 300-годишнината од нашите дипломатски односи – рече Макрон непосредно пред доаѓањето на рускиот претседател.
Макрон, кој за време на кампањата имаше критичен став кон Русија, рече дека дијалогот со официјална Москва е важен во процесот на решавање на меѓународните проблеми, истакнувајќи ги случаите со Украина и со Сирија. Токму за овие теми, како и за борбата против тероризмот, ќе се разговара на денешната средба.
