fbpx

„Макпетрол“: Подготвени сме да ја потпишеме спогодбата со што ќе се реши прашањето со „ГА-МА“

-

„Макпетрол“ АД Скопје ги донесе сите соодветни одлуки и е подготвен да пристапи кон потпишување на спогодбата со што ќе се реши прашањето со ГА-МА, се вели во одговорот на компанијата во врска со текстот на „Мета.мк“, под наслов „Недовршениот договор помеѓу Владата и Макпетрол за „ГА-МА“ може да предизвика проблеми во гасификацијата“.

Од компанијата додаваат дека со тоа во целост ќе постапат согласно законот и препораките од Третиот енергетски пакет.

„Тој став останува и денес, „Макпетрол“ АД Скопје ги има преземено сите дејствија и акции кои се неопходни за потпишување на договорот за медијација, а зошто Владата не пристапила кон потпишувањето, не можеме да Ви одговориме, за тоа треба да ја прашате Владата,“ велат од „Макпетрол“.

Иако Владата уште на 19 декември ја усвои Одлуката за одобрување на средства од буџетот за 2019 година за купување на делот на „ГА-МА“ АД Скопје, законската обврска за раздвојување на дејностите, и преземањето на акциите, уште не е реализирана, бидејќи сè уште не е финализиран договорот помеѓу Владата и „Макпетрол“, кој треба да го продаде својот дел.

Тоа, според првиот човек на Национални енергетски ресурси, Бајрам Реџепи, може да го закочи процесот на гасификација.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Фотографија од човек во воз не го прикажува Пригожин, ниту пак, докажува дека тој е жив

Иако човекот на фотографијата наликува на шефот на Вагнер, сепак на фотографијата има детаљ кој покажува дека не се работи за него. Како што пишува Њузвик, ушите на Пригожин се поинакви...