Форумот на млади Македонци во Србија, по повод роденденот на големата македонската и балканска ѕвезда Тоше Проески, традиционално, на 24 и на 25 јануари, ќе организира хуманитарни активности. Оваа година средствата што ќе бидат собрани ќе бидат наменети за Националното здружение на родители на деца заболени од рак – НУРДОР во Белград.
В сабота, на 24 јануари, на Студентски трг во Белград ќе се одржи крводарителската акција во соработка со Институтот за трансфузија на крвта на Србија. Посетителите ќе имаат можност да ја слушаат музиката на Тоше и да донираат средства за НУРДОР, а првите 30 крводарители ќе добијат и подароци.
В недела, на 25 јануари, е предвидена акција за собирање помош за децата од прифатилиштето во Белград.