fbpx

Македонски ЛГБТИ-центар и коалиција СЗПМЗ: Нападот во Орландо е хетерофашизам

-

Од ЛГБТИ-центарот за поддршка и Коалицијата Сексуални и здравстени права на маргинализираните заедници денеска изразија загриженост и жалење по повод вчерашниот напад врз клубот за хомосексуалци во Орландо, Флорида, во кој животот го изгубија 50, а ранети беа уште 53 ЛГБТИ-луѓе.

Оттаму изразуваат сочувство кон сите пријатели, партнери и семејства на загинатите, кон сите нехетеросексуалци во Орландо кои во овој напад го гледаат одразот на долгоодржуваната омраза и насилство врз сексуалните и родовите малцинства.

„Трагедијата што го шокираше светот вчера мора да биде именувана со вистинските зборови и разбрана во нејзината комплексност и историја. Станува збор за напад кој е одраз на историски и глобално креираната и одржувана хомофобија. Слика на долготрајните процеси на дехуманизација што го прават можен лудачкиот чин на ладнокрвно убивање на 50 луѓе и пукање во уште толку други. Исход не само на радикалната страна на религиозното и на фундаменталистичкото насилство, туку и на државното и системско насилство со кое се соочуваат нехетеросексуалците во Америка и речиси секаде во светот. Ова е првенствено хомофобичен напад. И не смееме да заборавиме, хомофобијата не е ментална болест. Хомофобијата е исход на историјата на општествено, политичко и културно насилство на цел еден систем, кое слободно можеме да го наречеме хетерофашизам“, велат од ЛГБТИ-центарот и Коалицијата СЗПМЗ.

Од таму додаваат дека жалењето и ранливоста мора да создадат поинакви политики, политики на грижа, на солидарност, на поддршка, а не политики на напад, окупација и на насилство.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Петровска: Членството во НАТО отвора можност за развој на науката и технологијата

„Членството во НАТО на сите членови на академската заедница- професори, истражувачи и студенти им отвора нова димензија на поддршка, на можност за соработка со колегите од сојузничките и партнерски...