fbpx

Македонија сè уште дума што официјално да каже за изјавата на Рама за НАТО

-

Државните институции задолжени за надворешната политика на Македонија сè уште немаат став за изјавата на премиерот на Албанија, Еди Рама, кој најави можно вето за влез на Македонија во НАТО.

Во МНР и вчера и денеска велат дека во тек се консултации и анализа на изјавата на Рама. Без одговор на нашето прашање за коментир на изјавите на албанскиот премиер за вето на Македонија за влез во НАТО, се и од кабинетот на претседателот Ѓорге Иванов. Тие велат дека ако има некоја рекација, навреме ќе бидеме известени.

Од АРМ, вчера за „Мета“ изјавија дека тоа е политичко прашање и за одговор нè препратија кај политичарите.

– Ние не сакаме да коментираме политичари. Само сакам да нагласам дека АРМ ги има постигнато стандардите за влез во НАТО. И самиот пристап во оваа организација е политичка одлука, а сè што се барало од нас како Армија е исполнето – ни изјави полковник Мирче Ѓоргоски, портпарол на Генералштабот на АРМ.

Албанскиот премиер, Еди Рама, на регионалната министерска средба за борба против тероризмот, вчера изјави дека Македонија треба да влезе во НАТО, но не безусловно или поради воени судири.

– Македонија не може да стане членка на НАТО без гаранција на Охридскиот рамковен договор – рекол Рама.

Ова е трета закана за вето за приемот на Македонија во Алијансата, по онаа на Грција поради името и на Бугарија поради договорот за добрососедство.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...