Многу високи концентрации на честичките ПМ 10 вечерва има на сите мерни места во Скопје и кај наплатната рампа Петровец, како и во Куманово, Тетово и во Кавадарци, покажуваат резултатите на веб-страницата „Квалитет на воздухот“ на Министерството за животна средина и просторно планирање. Високо ниво на овие честички е регистрирано во Кочани и Кичево.
Што се однесува до загадувачките честички ПМ 2,5, нивното ниво е исто така опасно високо на сите мерни места каде што се регистрира нивната концентрација, односно во Скопје, Куманово и Тетово.