Рекатa Луда Мара, по обилните врнежи од дожд од 62 литри на едн квадратен метар во горниот тек од нејзиното сливно подрачје на Витачево, се излеа во кавадаречкото поле. Поплавен е кејот во централното градско подрачје на Кавадарци, особено од десната страна на текот, каде клупите и шеталишптето беа под вода. Реката Луда Мара беше излеана под селото Глишиќ и Марена, каде се поплавени земјоделски површини на жителите од селото. Водата стигнала до сточарска фарма во селото Сопот и до блискиот трансформатор, кои, сепак, не беа поплавени.

Комуналните инспектори вчера и денеска се на терен, како и екипи од локалната самоуправа. Обиколка на теренот од селото Ваташа до селото Марена по текот на реката направија и градоначалникот на Кавадарци, Александар Панов, и пратеничката Весна Пемова.

Кавадарчани паметат уште поголеми води во коритото на реката Луда Мара, која во далечната 1932 година ја однесе општинската зграда, а последното поголемо излевање реката го имаше 1973 година, кога постоеше опасност од кинење на браната на Моклишко Езеро, настаната од свлечиштетео на ридот Градот.

Генерална оценка е дека регулираното корито, особено во делот на новиот кеј, спаси многу семејства од поплавување.