За Либерална партијa, иницијативата за укинување на давачките за хонорарците е добредојдена, но истовремено смета дека моментот на донесување на оваа одлука укажува на скриени (политички) намери на Владата или за најзината дезореиентираност во економскиот дел, стои во реакцијата на ЛП на укинувањето на законот за хонораци.
„По ова прашање Владата до скоро беше „глува“ на барањата, протестите и на предлозите и на хонорарците, и на ЛП, и на јавноста воопшто, за сега, по само шест месеци од примената на законот, истиот, по предлог на истата Влада, да се укине од Собранието со бледо и неаргументирано објаснување“, стои во соопштението на ЛП.
Од партијата нотираат и дека со ребалансот Владата го зголемува буџетот, а истовремено донесува акти кои ги редицираат приходите во него, што според ЛП, наметнува две прашања: дали ќе се бараат нови извори на финансирање на овие намалени предвидени приходи за буџетот или ќе се менуваат висините на давачките и на казните веднаш по изборите во 2016 година.
„Затоа Комисијата за економија и за финансии на ЛП бара Владата јавно да го декларира траењето на ваквото намалување на буџетските приходи од давачки и од казни, онака како што (си) задава рокови за одредени мерки при проектите за вработувања, независно од пазарната динамика на економијата. Сметаме дека само на овој начин јавноста и стопанството ќе можат да ја проценат одржливоста на владините мерки што ги предлага, заедно со транспарентен увид во проекциите на приливите на јавните средства, бидејќи пресметливоста е основа за стабилноста на финансискиот систем и на економијата во Македонија“, велат од Либерална партија.
