Организаторите на Олимписките игри во Токио би можеле да го отфрлат логото на натпреварувањето во 2020 година поради наводите дека неговиот дизајн е плагијат.
Дизајнерот Канџир Сано ја доби поддршката на организаторите, но националниот сервис НХК пренесе дека логото ќе биде повлечено поради новите обвиненија дека користел туѓа слика без дозвола.
Официјалните претставници не ги коментираат ваквите наводи.
Сано се соочува со обвиненија за плагијат откако логото во јули излезе во јавност.
Белгиски дизајнер го тужеше Меѓународен олимписки комитет (МОК) поради сличноста на логото на ОИ со она што тој го направил за еден театар.
Сано ги негираше обвиненијата, но ова не е прво обвинение против него за плагијат.
