Според новото соопштение од Министерството за Внатрешни работи на 22.07.2025 во 18 часот полициски службеници од ОВР Неготино го лишиле од слобода Н.М.(71) од Демир Капија поради сомнение дека во два наврати предизвикал пожари.

Имено, тој се сомничи дека во 10 часот предизвикал пожар на место наречено „Горна Лака“ во близина на Демир Капија, од кој биле зафатени сува трева, нискостеблеста шума и два лозови насади.

Исто така, тој се сомничи дека околу 15 часот во близина на истото место предизвикал пожар од кој биле зафатени шума и земјоделска површина. Пожарите биле изгаснати од екипа на Територијалната противпожарна единица Неготино, а повредени лица нема.

Н.М. е задржан во полициска станица, известен е јавен обвинител и по документирање на настаните, против него ќе биде поднесена соодветна пријава.

Според последните информации од ЦУК дознаваме дека на територијата на целата земја има пет активни пожари, два се под контрола.

Активни пожари има во Општина Василево, Радовиш и Берово, два се во Општина Македонски Брод, во Општина Прилеп и Општина Желино.