fbpx

Либералите бараат објаснувања од ЕУ за вмешаноста во програмите на ЦИА

-

По објавувањето на извештајот на комитетот за разузнавање на Сенатот на САД, преку кој се откри бруталноста и тортурата што ја вршела ЦИА врз затвореници осомничени за тероризам, се креваат гласови и во Европската Унија кои бараат од европските влади да ја разјаснат улогата што ја одиграле во програмите на американската агенција, киднапирањата и тортурата, бара парламентарната група на европските либерали и демократи (АЛДЕ).

– Ако сакаме да бидеме кредибилни, европските земји-членки исто така треба да си разјаснат улогата во ова, како што Европскиот парламент побара повеќепати. Срамота е што Европа не само што ја поддржа оваа програма, туку одигра и активна улога во неа. Постојниот молк на земјите-членки на ЕУ е срам –  изјави Софи Ин’т’Велд, потпретседателка на групата.

Таа ја повика Европската комисија итно да го разгледа извештајот, а темата да биде ставена на дневен ред на следниот Европски самит во Брисел, кој ќе се одржи идната недела.

Извештајот на американскиот Сенат ги откри методите на тортура што ЦИА ги употребувала против осомничените за тероризам во своите затвори и кампови. Повеќе земји-членки на ЕУ и на други европски земји се осомничени дека соработувале со ЦИА во овие програми.

Македонија е една од нив, со случајот „Eл-Масри“.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...