fbpx

Лесја Украинка: Македонија да побара Специјален трибунал за руските злосторства во Украина

Меѓународниот кривичен трибунал за Руската Федерација е поддржан од 33 земји во светот

-

Здружението на Украинците „Лесја Украинка“ побара од македонските власти да се приклучат на земјите кои побараа формирање на Специјален трибунал за судење на руските воени злосторства извршени со руската агресија врз Украина.

Неодамна Меѓународниот кривичен суд во Хаг објави дека распиша налог за апсење на претседателот на Руската Федерација, Владимир Путин, како и за апсење на комесарката за правата на децата во Руската Федерација, Марија Лвова-Белова, за незаконското депортирање на украински деца.

„За нас, за Украинците, ова е историска одлука за Украина и за целиот систем на меѓународно право, меѓутоа тоа е само почеток на долгиот пат до враќање на правдата. И овој пат мораме да го поминеме заедно со целиот слободен и демократски свет, заедно со пријателската Република Северна Македонија. Очекуваме сите држави, кои се сметаат себеси за дел од цивилизираниот свет, да преземат соодветни чекори за изведување пред лицето на правдата на осомничените за сторени меѓународни злосторства“, се наведува во соопштението на Здружението „Лесја Украинка“.

Тие се сигурни дека апсолутно правичната одлука на Меѓународниот кривичен суд ќе има катастрофални последици за Путин и неговиот најблизок круг на луѓе.

„Сите знаат дека Украина прави максимални напори да создаде механизам за изведување пред лицето на правдата на руските лидери вклучени во злосторствата во Украина. Основната група за создавање на Специјален трибунал, која работи на можни алгоритми за работа, веќе вклучува 33 држави. Украинската заедница се обраќа со молба до Северна Македонија да се приклучи на оваа група за да бидат казнети оние кои се виновни за убиства, силување, тортура, киднапирање деца, со цел да не се прошири злото низ светот“, стои во соопштението од „Лесја Украинка“.

Меѓународниот кривичен трибунал за Руската Федерација е поддржан од 33 земји во светот, вклучувајќи ги земјите-членки на ЕУ, Обединетото Кралство, Австралија, САД, но и земји од други континенти, како што е Гватемала. Европскиот парламент на 19 јануари годинава усвои резолуција, со која се повикува на формирање меѓународен трибунал што ќе ги врши истражните и обвинителските активности за процесуирање на кривичните дела извршени како последица на агресијата врз Украина.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Украинската одбрана соборила 84 руски воздушни цели

Ноќеска Русија изврши уште еден масовен воздушен напад врз украински објекти за гориво и енергија, соопшти украинската одбрана. Непријателот ја нападнал Украина со 60 беспилотни летала Шахед и 39 проектили...