Лекарската комора објави листа на доктори кои се носители на важечки лиценци за работа каде граѓаните може да проверат дали одредено лице е носител на лиценца за работа на доктор.
Објавените податоци се добиени од Регистарот на издадени, обновени и продолжени лиценци што го води Комората и ќе се ажурира на секои четири месеци со нови податоци за издадени, обновени и продолжени лиценци.
Листата содржи информации за име и презиме на докторите, нивната специјалност, бројот на лиценца и датумот на важност.
Оттаму им препорачуваат на здравствените установи пред да реализираат ново вработување преку јавно објавената листа да проверат дали докторот има важечка лиценца за работа. Проверка имаат можност да прават и медицинските факултети за запишување на специјализации, супспецијализации и за други потреби како и сите надлежни институции кои во вршењето на своите надлежности, имаат потреба да потврдат дека некое лице е носител на важечка лиценца за работа на лекар.
